श्री संत नागेबाबा मल्टिस्टेट चा निसर्ग उपक्रम आपल्या या भारत देशामध्ये झाडांची कत्तल होत आहे त्यामुळे त्याचा विपरीत परिणाम निसर्गावर होत आहे अर्थातच पाऊस कमी झालेला आहे. आपले सर्व जीवनमान हे पावसावर अवलंबून आहे. आपला नागेबाबा मल्टिस्टेट एक अभिनव उपक्रम राबवित आहे • ग्रीन डिपॉझिट स्कीम या डिपॉझिट स्कीम मध्ये ज्या खातेदार सभासदांना प्रामाणिकपणे एक झाड लावावे वाटते, वाढावे वाटते, त्याचे संगोपन करावे वाटते, निसर्ग वाढवावा वाटते, राष्ट्रीय कार्याला हातभार लावावा वाटतो अशा सभासदांनी नागेबाबा मल्टिस्टेट मध्ये दहा हजार रुपये डिपॉझिट करावयाचे आहे सदर डिपॉझिट पाच वर्षासाठी लॉकिंग असेल या डिपॉझिटला कुठल्याही प्रकारचे व्याज मिळणार नाही. आपल्या व्याजाच्या बदल्यात संस्था आपल्या नावाने किंवा आपल्या नातेवाईकांच्या नावाने किंवा आपल्या पूर्वजांच्या स्मरणार्थ एक सुंदरसे झाड लावेल त्याचे पूर्णपणे पाच वर्ष संगोपन करेल आणि सर्वात महत्वाचे त्या झाडा शेजारी आपल्या नावाचा बोर्ड असेल. तसेच आपल्याला वेळोवेळी ज्या ठिकाणी आपण झाडे लावणार आहोत तेथे आपल्याला बोलावण्यात येईल. अशी सुंदरशी अविस्मरणीय | डिपॉझिट स्कीम आपण राबवत आहोत .
बंधू आणि भगिनींनो ..."अन्नदान हेच श्रेष्ठदान", असे आपण अनेकदा ऐकतो व म्हणतो. आपल्या जवळपास सहज नजर टाकली तर अनेक स्त्री-पुरुष अन्नापासून वंचित आहेत. नागेबाबा परिवाराच्या माध्यमातून जेव्हा यावर अभ्यास केला गेला तेव्हा लक्षात आले कि अनेक लोक ग्रामीण भागातून नगर शहरात हॉस्पिटलमध्ये पेशंट घेऊन येतात त्यांची जेवणाची गैरसोय होते, नाविलाजाने हॉटेल मधील अन्न पेशंटला द्यावे लागते. हे सर्व दृश्य पहावत नाही म्हणून नागेबाबा मल्टिस्टेट एक सामाजिक जबाबदारी म्हणून या कार्यात भाग घेत आहे. अनेकांच्या मनामध्ये अन्नदान करण्याची इच्छा असते परंतु परिस्थितीमुळे अनेकजण मोठा खर्च करू शकत नाही या सर्वांसाठी एक अभिनव उपक्रम राबवित आहोत. यामध्ये आपल्या वाढदिवसानिमित्त, लग्नाच्या वाढदिवसानिमित्त, नातेवाईकांच्या वाढदिवसानिमित्त, मित्राच्या परिवाराच्या वाढदिवसानिमित्त, नेत्याच्या वाढदिवसानिमित्त किंवा जे आपले नातेवाईक दिवंगत झाले आहेत त्यांच्या स्मृतिप्रित्यर्थ अनेकजण यामध्ये मदत करत आहेत आपणही मदतीचा हात व आपल्या मोलाचे सहकार्य यामध्ये देऊ शकता. त्याबदल्यात नागेबाबा परिवार अत्यंत गरजू असे लोक शोधून त्यांना जेवणाचा डबा हॉस्पिटल ला पोहोचकरण्याचे योग्य नियोजन करतो याची आम्ही तुम्हाला खात्री देतो. तर चला आपणही अन्नदानासाठी आपल्या कमाईतील काही रक्कम यामध्ये मदत करूयात. जास्तीत जास्त सभासदांनी पुण्यकर्म करण्यासाठी सहभागी व्हावे...अन्नदाता सुखी भव :
दुग्धोत्पादनातून शेतकऱ्यांचे जीवनमान उंचविणाऱ्या परंतु तेच उत्पन्न बंद झाल्यावर सोडून दिल्या जाणाऱ्या गोमातांना नेमका आधार भेटतो तरी कुणाचा? असा प्रश्न अनेकांच्या मनात निर्माण होतो. तेहतीस कोटी देवांचा वास ज्यामध्ये असतो. कुळधर्म कुळाचाराला नैवेद्याचे वेगळे पान जिच्यासाठी वाढले जाते. अशा गायींचा सांभाळ आणि पालनपोषण नागेबाबा गोशाळा हनुमान टाकळी येथे झाली आहे गोसंवर्धन कार्यात आपले आर्थिक योगदान मोलाचे राहील.
